沙田友冰室 (已搬遷) 新店位置

【沙田区】【沙田友】去到呢个位置都冇咩嘢可以写，不过我想讲嘅系，我系住沙田架，所以名符其实系一个「沙田友」。一见到呢间餐厅个名就觉得好好笑，不过虽然声称想试，但系理想同现实往往争好远，一直都未有机会试。呢间嘢喺石门都开咗一段时间，不过次次都系过门而不入，都食咗好多其他嘅餐厅。最近稿件不足，所以都要的起心肝去食一次。点知一去到冇位㖞，我本人系几讨厌等位嘅，所以就过咗隔离陆记食，就系之前写陆记𠮶篇。揾到一次终于再有机会入去，喂又冇位嘅，啱啱有个人走㖞，咁我就坐落去咯。唔知点解呢啲揾极都揾唔到位而又突然有位嘅话系有啲开心嘅，好似失而复得咁。不过呢间嘢成日都咁多人，都有啲兴趣试吓佢哋啲嘢系咪咁得。入得呢啲茶记，梗系叫个「常餐」啦，主食「沙嗲牛肉面」又真系一般咗啲，有少少失望添。个「黑松露炒滑蛋」同「多士」就挽回到唔少分数，只蛋炒得几有诚意。餐饮我饮「冻柠茶」少甜，都系一贯茶记水准咁啦。个阿姐喺我叫嘢𠮶阵无啦啦 sell 我叫「酥皮蛋挞」，而我又唔知点解话 okay 㖞。可能都想畀个机会佢哋嘅包饼部，因为好似敏华𠮶啲咁，个新鲜出炉蛋挞系几正。不过好可惜，上到嚟发现佢唔系啱啱焗好，味道亦都一般。我