王牌·圍一叉燒

营业中

休息中

【沙田区】【王牌•围一叉烧】大围系我成长嘅其中一个地方，而且都几近我屋企，都有啲朋友住呢头。有间嘢我一直都唔会帮衬嘅，就系大围道好显眼嘅位置嘅𠮶间炖奶佬，因为好唔抵食，味道又唔系特别好。呢排佢终于执笠，开咗间新嘅烧味茶餐厅。听讲佢哋啲叉烧几好食，所以用咗 $78 外卖咗半斤「肥叉」返屋企慢慢叹。食落觉得都 okay，佢啲肉都几顺滑而烧得几香。如果话要特登为咗叉烧而过嚟嘅，我又觉得未好食到呢个程度，不过位置够方便我，呢个味道就可以。之后用 $53 叫咗个经典常餐「金牌沙嗲牛肉米粉」配「香肠」、「火腿」、「牛乳炒滑蛋」同「厚多士」，香肠同火腿都系得一件，都系差唔多料。而个炒滑蛋系我最重视嘅一瓣，佢炒得还可以，起码唔系全熟嘅就可以。嘢饮我拣「热奶茶」，呢款嘢饮能够展示一间新嘅茶餐厅有冇心做落去，而呢度杯茶系可以嘅。个常餐咁样 $53 都冇咩好挑剔，位置咁方便有间 okay 嘅茶记已经算系咁。睇其他客人叫嘅其他烧味都好似几靓，得闲去食埋先。。。（地址：沙田大围道102号天宝楼地下8号舖）#1amfoodie #foodie #hkfoodie #hkfood #food #foodporn #