薈萃甜物

营业中

休息中

【沙田区】【荟萃甜物】又嚟到火炭工业区做嘢，做嘢事小，食嘢事大呀。我唔系每一次过嚟呢头做嘢都有机会喺呢边食埋嘢，因此每次都会格外珍惜。话虽如此，我都为咗要写多少少嘢而食咗佢哋两次。唔系想吹到有几伟大，都牵涉策略问题嘅。因为我呢度同其他 foodie 嘅 food blog 比较，我文字同图片都未够完善，摆到明系相形见绌，唯有破格啲做啲人哋未必做嘅嘢，二访只系其中一样，长远嚟讲都系要改善自己嘅 post 嚟取悦更多读者，不停变更又创新吖嘛。不过嘢食都系要讲嘅，第一次去呢间喺火炭工商业区嘅地舖系食咗个 $55 嘅「意式全餐」，有黑松露炒嫩蛋、牛仔肠、烟火腿、粟米蘑菇、茄汁焗豆同英式松饼配芝士及荷兰汁，咁样数吓数吓都几多嘢几丰富吓，唔系讲笑。主力𠮶只炒蛋都可以，其他嘢除咗茄汁焗豆我本身唔太中意之外，其他嘢都唔差，尤其个英式松饼，佢配咗芝士同荷兰汁，又香又软熟。加埋「冻柠茶」走甜之后成个餐都几好，喺工商业区唔止碟头饭嘅选择，促成咗二访。呢次系食 $68 嘅「带子鲜虾黑松露卡邦尼烩长通粉」，饮「冻咖啡」，嘢食系合理水准，不过不失。不过间嘢本身下昼都静，但听到老细同侍应喺度嘈交，由开始食闹到我走之