影片
更多
2023-05-05
281 浏览
【沙田区】【蓝鸟葡国餐厅】好耐冇认真行吓禾𪨶商场，所以朋友话踢完波约我食饭，其实我都冇乜 idea 食乜。呢位朋友虽然喺食物质素上面嘅要求唔算高，不过佢系好 prefer 食黄店嘅，所以我揾起上嚟都会跟住呢个方向。只要唔系会搬龙门嘅话，其实唔难谂。即系咁，好似以 foodie 为例，唔好话平时讲到自己净系黄，然后又走去蓝店，咁就系搬。开宗明义讲明只讲颜色，只系食一边、讲一边嘅，大家会清楚明白。所以呢位朋友呢种我系欣赏架，起码忠于自己，立场清晰嘛，系一条汉子。以沙田运动场为中心点嘅话，我谂嘅时候当然系由禾𪨶开始谂，再杀去沥源，然后谂埋新城市。禾𪨶我谂住系蓝店多，沥源荣乐系黄但系真系难食咗好多所以唔想食，所以我谂住喺新城市揾啲冇颜色嘅餐厅食就算，唔通食美心集团，搏闹咩。跟住又谂，朋友踢完波咁攰，未必行咁远，虽然我知佢 okay，但系都辛苦嘛，所以都系再上网揾揾禾𪨶嘅餐厅。点知被我见到呢间唔系开咗好耐嘅葡国餐厅，仲要系有资料话佢系黄店，完全符合我嘅需要，因此就去呢间，朋友都同意就去喇。当时正值下午茶时段，我叫咗个「慢煮鸡髀 + 香脆蒜茸法包」，个鸡髀其实只系一只好普通嘅卤水鸡髀，唔难食嘅，亦
即系咁，好似以 foodie 为例，唔好话平时讲到自己净系黄，然后又走去蓝店，咁就系搬。开宗明义讲明只讲颜色，只系食一边、讲一边嘅，大家会清楚明白。所以呢位朋友呢种我系欣赏架，起码忠于自己，立场清晰嘛，系一条汉子。
以沙田运动场为中心点嘅话，我谂嘅时候当然系由禾𪨶开始谂，再杀去沥源，然后谂埋新城市。禾𪨶我谂住系蓝店多，沥源荣乐系黄但系真系难食咗好多所以唔想食，所以我谂住喺新城市揾啲冇颜色嘅餐厅食就算，唔通食美心集团，搏闹咩。
跟住又谂，朋友踢完波咁攰，未必行咁远，虽然我知佢 okay，但系都辛苦嘛，所以都系再上网揾揾禾𪨶嘅餐厅。点知被我见到呢间唔系开咗好耐嘅葡国餐厅，仲要系有资料话佢系黄店，完全符合我嘅需要，因此就去呢间，朋友都同意就去喇。
当时正值下午茶时段，我叫咗个「慢煮鸡髀 + 香脆蒜茸法包」，个鸡髀其实只系一只好普通嘅卤水鸡髀，唔难食嘅，亦都够热够惹味，只系冇特别。个香脆蒜蓉法包其实都几好食，只不过真系有啲㶶。跟餐饮「冻奶茶」，我觉得甜咗少少。
之后我叫咗个「木槺芝士蛋糕」，系一件好普通嘅 cake，芝士蛋糕味欠奉，冇乜木槺蛋糕特色，反而外观似模似样，但食落就冇下次。加钱要埋「脆猪仔包」，奶油同奶酱我拣咗前者，okay 啦，都好难难食，餐饮「冻奶茶」走甜，正常啲。
朋友就食「里斯本风味烩牛肉饭」饮「冻柠茶」，我未去过里斯本，不过望落佢兜嘢就真系麻麻，而且都唔系好够饭咁。所以都系叫多个下午茶「澳门经典猪扒包」饮「冻柠茶」，今次味道正常咗但枝国旗好笑，加配一碗「波多牛尾汤」似港式罗宋汤多啲。
我哋两条友，一人叫咗两个餐食，埋单 $192，唔算贵啦。期间倾咗好多嘢，始终耐冇见就系咁。尤其呢间餐厅原址嘅上一手系间个样睇落有啲赶客嘅台湾菜，而再之前，好似系五十岚日本料理，读书𠮶时有食过，真系充满回忆，只能回味。。。
（地址：沙田德厚街3号禾𪨶广场 2楼251, 252, 254及255号舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0468 #globaleats #tastyfood #foodpics #followforfollowback #love #eat #1am沙田区 #沙田 #禾𪨶 #禾𪨶广场 #蓝鸟葡国餐厅 #葡国菜 #午餐 #下午茶 #黄店 #猪扒包 #猪仔包
17 浏览
0 赞好
0 留言
张贴
