藍鳥葡國餐廳

营业中

休息中

【沙田区】【蓝鸟葡国餐厅】寻日讲起禾𪨶商场，见到自己好耐之前嚟食过嘅呢间平民葡式茶餐厅仲未执，就叫埋振华哥嚟一齐试。上次介绍个 post 原来已经系 1am0468，够晒耐，相隔咗成八百几个 post，我相信我再讲，读者都唔会诈型。入到去我哋都系试「午餐精选」，简单啲。振华哥试 $63 嘅「牛骨汁香煎西冷牛扒饭」改配薯菜，个牛骨汁系几香，薯菜就唔系炸薯条，系烚薯仔、车厘茄、红萝卜、粟米，感觉健康好多。我就试 $62 嘅「葡式烧羊仔髀肉烧汁意粉」改配薯菜，啲羊起晒骨，啖啖肉，羊味又香，加上薯菜，感觉良好。一场嚟到，我哋仲试咗三款小食。首先系 $45 嘅「沙梨头墨鱼饼」六件，好香嘅墨鱼饼，炸嘅火候啱啱好。而另外必食嘅仲有 $58 嘅「马介休炸薯球」六件，从来马介休球都系我去食葡国菜嘅必点菜式，咁平民嘅价钱都食到系正。薯味够香浓，经济又实惠。本来都冇谂住食春卷，但侍应话好正，咁就试埋 $45 嘅「春卷脆脆」六件，点知真系好好食，皮脆馅鲜，好有惊喜。嘢饮𠮶度我哋各自加 $5 试咗冻「蜂蜜柚子茶」同埋冻「柠檬蜂蜜百香果」，都系清甜解渴之选。埋单价钱 $283，丧加小食嚟讲唔贵呀。。。（地址：沙田