LIFETASTIC Patisserie (新城市廣場一期) (已搬遷) 新店位置

【沙田区】【LIFETASTIC】见过好多次呢间嘢，觉得佢哋整啲嘢好似几靓。只不过我个人可能比较冇时间，都真系冇乜机会可以好好坐低去品尝呢啲展示慢活人生嘅食物。而今次系朋友话想食，咁既然有咁嘅机会可以食吓呢间，就梗系恭敬不如从命啦。佢哋不但可以散叫啲 cake 同啲嘢饮，而且可以用套餐形式咁叫。佢仲有啲双人下午茶系有埋三文治同松饼嘅。不过我哋都系叫返「一人精巧蛋糕套餐」算喇，朋友叫 $98 嘅「招牌草莓西瓜蛋糕」配饮品「人参乌龙茶」嘅。佢件 cake 系呢间嘢嘅招牌菜，用西瓜入蛋糕系几得意，我都有食返啖，觉得个西瓜唔会突兀，几自然，唔错。而杯嘢饮朋友话都好饮，先头以为佢会唔惯啲人参味。而我自己都系叫「一人精巧蛋糕套餐」，有蛋糕有嘢饮咁。不过我叫嘅系 $88 嘅「班兰芒果紫米蛋糕」配「鲜奶特浓咖啡」，我呢件 cake 就真系够晒邪恶，只系略嫌班兰香味争咗啲啲。唔紧要，一杯 Flat White 补返晒，冲得几好，我中意。呢餐咁样埋单 $204 两位，都系合理价钱。。。（地址：沙田沙田正街18号新城市广场一期4楼410号舖）#1amfoodie #foodie #hkfoodie #tha