肉肉大米

营业中

休息中

今日行过沙田新城市广场，见到有一间日本过江龙 叫「肉肉大米」嘅现烤汉堡扒专门店新开张，价钱亲民，一人套餐有齐和牛汉堡扒、日本新鲜生鸡蛋、面豉汤同日本东北嘅虹煌米白饭。汉堡扒系师傅现场即叫即煎，煎完之后会放喺每个座位面前嘅烤板上继续加热，令到客人可以食到热辣辣嘅汉堡扒；面豉汤入面嘅配料唔系普通嘅海带，而系营养丰富嘅羽衣甘蓝，用料非常用心；套餐嘅面豉汤、白饭同西兰花仲可以无限添加，所以一定够饱；酱汁有好多种，包括洋葱酱、奥罗拉酱、烧肉酱、黄芥末酱、蒜香辣椒酱、日式芥末盐曲、沙茶酱、胡椒盐，令到每一啖汉堡扒都可以有唔同口味。🍊经典和牛汉堡扒肉肉大米自家品牌嘅汉堡扒喺用咗日本九州黑毛和牛同美国牛肉混合制成嘅汉堡扒，咬落去充满油脂同肉汁，口感松软，层次丰富，而且每一块汉堡扒都非常厚身，放上白饭之后加入日本生鸡蛋同酱油，再搅拌一齐食非常满足🍊和牛芝士汉堡扒经典和牛汉堡扒配上一片浓郁嘅车打芝士片同现场即刨嘅芝士丝，职员刨芝士绝不手软，刨到成个芝士山咁高！轻轻在喺烤板上加热就可以将芝士溶化，浓浓嘅芝士味配上和牛汉堡嘅肉味系绝配🍊和牛蟹肉汉堡扒新开张嘅10月份会有期间限定嘅餐牌，呢一个有蟹肉同萝卜丝制成