佐手牛清湯腩

营业中

休息中

【油尖旺区】【佐手牛清汤腩】尖东餐厅林立，出名竞争大，疫情过后金马伦道开咗呢间食牛腩粉面嘅餐厅，我做得 1am红馆 系列，当然唔会错过佢。入到去发现佢都几走内地风格，而且系用 QR Code 落单，对某啲顾客嚟讲系方便咗，例如我呢啲沉默寡言嘅。叫咗个 $88 嘅「双拼粉面套餐」嚟食，要半肥嘅清汤崩沙腩再加 $10 配埋潮汕鲜牛肉丸跟手辘鱼面，我觉得冇想像中咁好食，价钱上都真系尖东价。另外用 $12 叫咗碟「爽脆凉拌鲜鱼皮」食，食落正正常常咁啰，唔算好特别。饮咗杯要加 $8 嘅「蜂蜜红枣生姜苏打」，呢个味嘅汽水又几特别，感觉有啲「长者特饮」feel。另外再叫咗 $38 嘅五粒「炸鱼蛋」，加埋就 $168 埋单，少贵。食第二次因为佢系 1am红馆，要同需要嘅朋友好好交代。叫 $50 嘅「粉面套餐」只系要咗走地三黄鸡呢个𩠌，配伊面，加 $8 饮「柑桔话梅冰茶」，咁嘅组合都麻麻哋。叫咗 $12 三只嘅「盐水鸡中翼」同 $25 嘅「贵人冰粉」，呢餐夹埋就 $103，又唔算好贵，不过味道上就真系唔突出。。。（地址：尖沙咀金马伦道34-36A号福侨大厦地下D号舖）#1amfoodie #foodie