影片
更多
2024-09-22
5572 浏览
【油尖旺区】【壹号渔船】有一晚无啦啦得闲，就同咗马鲛去旺角打边炉。佢话想食嘅呢间，我记得以前系稻香嚟嘅，仲喺𠮶度食过一蚊鸡，而家唔知系转咗名定乜嘢。不过唔理啦，去到又真系有任食火锅。成人晚市有个叫「任您配」火锅放题几好，价钱 $268 一位，平日平十蚊。头盘可以拣两款，我哋要「时令特选海鲜盘」同半只「波士顿龙虾」，我唔太食海鲜，都系佢食多，选料都系靓嘅。而火锅放题我哋要「A餐」，系食「特级肩胛肉眼」同「黑豚肉片」，两者都系合情合理之作，唔系𠮶啲好难食嘅货色，一般我都接受到嘅。佢仲有其他火锅料，都系不过不失啦。而自助区亦都有炸嘢、饮品、混酱、丸类同菜类系任饮任食嘅。而比较特别嘅系佢哋有芝麻糊，不过我就食得有啲饱，所以都冇乜点食佢哋自助区啲嘢。𠮶阵佢哋晚市火锅正价 88 折，埋单 $525 两位，旺角算正常啰。。。（地址：旺角弥敦道610号荷李活商业中心2楼A及B号舖）
头盘可以拣两款，我哋要「时令特选海鲜盘」同半只「波士顿龙虾」，我唔太食海鲜，都系佢食多，选料都系靓嘅。而火锅放题我哋要「A餐」，系食「特级肩胛肉眼」同「黑豚肉片」，两者都系合情合理之作，唔系𠮶啲好难食嘅货色，一般我都接受到嘅。
佢仲有其他火锅料，都系不过不失啦。而自助区亦都有炸嘢、饮品、混酱、丸类同菜类系任饮任食嘅。而比较特别嘅系佢哋有芝麻糊，不过我就食得有啲饱，所以都冇乜点食佢哋自助区啲嘢。𠮶阵佢哋晚市火锅正价 88 折，埋单 $525 两位，旺角算正常啰。。。
（地址：旺角弥敦道610号荷李活商业中心2楼A及B号舖）
张贴
