天ぷらまきの

营业中

休息中

【油尖旺区】【天ぷらまきの】有一日喺旺角做嘢需要饭脚，叫咗浣纱娘嚟陪我食，但系又唔知食乜。喺 moko 新世纪广场𠮶度揾，见到呢间「天ぷらまきの」，英文叫 Tempura Makino，见佢有位就食佢啦。点知入到去坐先话有限时，我其实就唔系好中意，不过既然拣好咗就算啦。佢叫咗个 $120 嘅「天丼定食」，有虎虾两只、鱚鱼、鸡胸、北海道舞茸菇、茄子、南瓜、法国边豆、日本鸡蛋配饭。我就叫 $180 嘅「特选天丼」，有虎虾三只、鱚鱼、海鳗半条、鱿鱼、北海道舞茸菇、茄子、南瓜、法国边豆、日本鸡蛋，都系配饭。虽然我𠮶个饭贵六十蚊，但系我觉得两者其实分别不大，啲𩠌唔系争好远，唔使食贵𠮶只。嘢饮就饮各 $38 嘅「冲绳四季柑梳打」同「菠萝梳打少冰」少甜，味道都唔算特别，而且都系散叫，冇优惠。埋单 $414，我觉得唔平，味道又冇特别之下，唔算抵。。。（地址：旺角旺角太子道西193号MOKO新世纪广场3楼352号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delic