御石燒 (已結業)

【油尖旺区】【御石烧】虽然同上司公升哥间中会交流吓饮食心得，但系一齐食饭就真系未试过。之前疫情𠮶阵帮佢买过一次外卖，我嘅选择被佢大为赞赏。然而我公司系一间好公道嘅公司，呢啲咁刷鞋嘅行径系唔会对我嘅 appraisal 有任何帮助。咁饭都系要食嘅，今次难得公升哥话佢夹到时间同我食饭，我梗系想。而佢仲谂埋食乜，真系爽到喊出嚟，我梗系狗冲去攞位啦。听讲佢呢度吉列牛正，我就叫个 $138 嘅「御烧极上级黑松露吉列牛」，加 $35 转埋套餐添。套餐有「紫菜味素饭+流心蛋+面豉汤」，个饭几好食，配埋流心蛋一流。我加 $12 加配埋汽水，拣咗「无糖可乐」嚟饮。个吉烈牛都 okay，仲有不停加热嘅热石板帮手，系会令到件事好咗嘅，而公升哥就叫咗冇黑松露𠮶款嚟食。即系 $118 嘅「御烧极上级吉列牛」，佢都有转套餐。我觉得个黑松露有啲画蛇添足，呢款就咁吉列牛已经好好。之后再用 $48 叫两只「明太子鸡全翼」，热辣辣都几好食。咁样埋单 $424，我哋系自费食，但都唔觉得好贵嘅。。。（地址：旺角广华街2-20号翠园大厦二期地下10号舖）