新大光燈

营业中

休息中

【油尖旺区】【新大光灯】一直以来我做呢个 foodie 都系为咗女同事而做，但系慢慢觉得自己其实都享受个过程，为别人而做不如为自己而做。然而，女同事几年前话想我讲多少少红馆附近嘅餐厅，我都永铭于心。虽然近年因为种种原因而少咗讲，但系只要我可以做，我就会去做。嚟到尖东喷水池附近嘅呢间「新大光灯驰名巷仔云吞面」，见佢唔系𠮶啲好 heavy 嘅嘢，就自费食吓佢啦。我见佢哋个 $58 嘅「柱候牛筋腩捞伊面」几吸引，仲免费配罐「可乐」，就叫咗个嚟食。食落只能够讲系可以，同埋份量都够，唔算好差咁啰。咁我知道呢间始终都系食云吞面嘅，咁就叫碗 $42 嘅「正吞交」嚟食，即系「净云吞水饺」呀，哈哈。估唔到佢哋啲水饺仲好食过云吞，系真系好食𠮶只，个馅口感几好，可能系咁就搞到啲云吞黯然失色啦。系啲水饺救返餐饭，令到呢 $100 好似冇咁唔抵。。。（地址：尖沙咀么地道67号半岛中心地下G36号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies