明記潮館 (砵蘭180+商場)

营业中

休息中

【油尖旺区】【明记潮馆】同一班朋友喺旺角做完嘢心灵上好攰，就揾个地方食吓宵夜。四个人去到，就点都要摆低返 $20 嘅「小食」费同埋每位 $5 嘅「茶水」费。跟住就上 $168 嘅「粟米鱼肚羹」，都几好味，滑得嚟好香。如果唔知点解会有个 $8 嘅「中卤水拼盘」，唔系我叫。之后上 $118 嘅「西柠煎软鸡」，佢好似系用炸鸡扒煎到一旧旧再加西柠汁落去，个西柠汁冇乜问题系啲鸡略嫌佢唔系好够滑。跟住食 $198 嘅「芝士海虾炆伊面」，我就唔多好海虾嘅，不过佢嘅芝士汁做得几好食，够晒邪恶，我都忍唔住食咗好多伊面呀。点都要食啲农作物，叫咗 $108 嘅「石锅啫啫通菜」，用个石锅煮住啲菜，几够热，而通菜本身亦都炒得几有镬气、几够味嘅。之后上 $160 嘅「黄金鲜鱿」，鲜鱿配上咸蛋黄酱，睇字已经够邪恶，食落仲要热辣辣，非常爽口，会忍唔住一旧接一旧咁食嘅。嘢饮方面，除咗本身餐厅供应嘅茶水之外，我哋叫咗四杯 $42 嘅「熊仔柠檬茶」，系一杯好大杯嘅冻柠茶，再加一个熊仔样嘅柠檬茶冰，女士至爱。补多两个 $16 嘅「白饭」同埋加一服务费之后，埋单价系 $1100，四个人食嘅话其实都唔贵，始终都几饱吓。。。（地址