星十五

营业中

休息中

【油尖旺区】【星十五】有一晚喺公司做嘢做到个人浑浑噩噩，食饭时间都唔想食嘢，就算去到九点零钟都仲系冇乜胃口咁。谂住去尖沙咀揾啲小食食吓咁啦，行行吓又真系揾唔到我想食嘅嘢。见到有，又系啲我之前已经写过嘅嘢，提唔起劲去返炒。然后经过见到呢间好似几新净嘅甜品店，好似所有嘢都好新，而侍应态度都颇为殷切，仲斟埋茶过嚟，以糖水舖嚟讲真系几难得。而呢度系以 QR Code 自行落单，我估繁忙时间会有用啲，始终佢哋都唔系好细间𠮶啲糖水舖。我叫咗个 $62 嘅「特制莲子合桃露王」，系浓香嘅，但未去到要封王嘅境界，加 $10 要「汤丸」两粒都系正常芝麻汤圆。有啲想食多款嘢就叫咗 $36 嘅「炖鸳鸯日本蛋」，佢将蛋黄同蛋白分开炖系几有趣，食落都系几唔错嘅。本身呢餐埋单 $108 就冇乜问题，之但系有样嘢就令我耿耿于怀。明明侍应都系咁招呼客人，唔知点解枱枱都有介绍小食，系我冇，仲要系 menu 冇嘅，想叫嘅机会都冇。我系食紧第二份甜品先知有小食，可以话系冇仇报喇。。。（地址：尖沙咀加连威老道26A地下）#1amfoodie #foodie #hkfoodie #thatfoodiething #hkfood