糖水檔1987

营业中

休息中

【油尖旺区】【糖水档1987】同道歉哥特登去糖水雄饮我哋至爱嘅腐竹白果沙冰，点知去到又双叒叕摸门钉，𠮶吓谷住道气无处宣泄，见到附近有呢间就入去坐吓先啦，咁鬼热。平时唔多觉，原来系糖水小食店嚟，仲要都系年轻老板坐镇，可以一战㖞。食啲小食先，有人 share 食就可以食多几款，首先 $36 嘅「盐烧牛舌」四片，性价比算高，吊瘾一流。而 $25 嘅「吉列炸流心汤圆」三粒系呢度自创嘅，几好食，有惊喜。个 $36 嘅「XO酱炒萝卜糕」味道好之余，份量唔细。到本身想食嘅糖水喇，我食个 $48 嘅「白果腐竹雪耳桃胶」，本身腐竹白果糖水底加入雪耳、桃胶系冇违和感嘅，几好食。而道歉哥食嘅系 $42 嘅「芒果爆珠甘露」，我见佢个样都几唔错，道歉哥又冇投诉，应该系可以嘅。试道歉哥感觉就系提出叫多碗，佢冇反对，就做啦。我食 $39 嘅「椰汁香芋芋圆西米露」，佢落多咗仙草畀我，冇所谓，都 okay。道歉哥食 $27 嘅「生磨芝麻糊」食到状甚享受咁款，就知夹埋呢 $253 冇白畀，系真系唔错嘅。。。（地址：佐敦文汇街25号文景楼地下C号舖）#1amfoodie #foodie #hkfoodie #thatfoo