老北京餛飩皇

营业中

休息中

【油尖旺区】【老北京馄饨皇】喺旺角想食啲嘢，又唔想话好隆重咁去一啲贵价餐厅，亦都唔想食啲放题呀，任食呀𠮶类，又唔想食茶餐厅，补充多让就系唔想食潮式粉面店。见到呢间，觉得价钱都几经济实惠，而又唔似啲我平时成日食嘅嘢，咁就入去啦，见到佢哋间嘢都几多人食㖞。我第一次去就食咗 $42 嘅「全家福鲜肉小馄饨」，香港唔系好多地方有卖小馄饨，而家越嚟越多，呢度就包括咗黑松露、香茜马蹄、荠菜、韭菜、酸菜、原味，我就唔逐一去介绍佢哋嘅味道，总之就系正。加 $8 饮杯「新鲜豆浆」，夹埋 $50，够晒圆满。之后再去一次，系呀我又系去多次先写，今次就食 $58 嘅「大馄饨」，加 $8 要「全家福」味道，即系又系乜味都有啦，掂。今次呢个系下午茶嚟，仲有「炸香茅鸡翅」两只同「酸梅汤」，正正常常嘅味道，而咁样食咗 $66 嘅价钱喺旺角亦都唔算过份咁啰。。。（地址：旺角花园街3号鸿威大厦1座地下1号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies