荷里活冰室 (上海街)

营业中

休息中

【油尖旺区】【荷里活冰室】呢间嘢喺 1am0563 𠮶阵已经被我写过，𠮶时都唔觉得佢特别好食，不过位置的确系非常之方便。而𠮶次亦都系因为交收 2020 东京奥运会嘅嘢，先会喺𠮶边顺便食埋嘢，估唔到今次再食已经又一届奥运。不过中间其实都食过佢哋长沙湾分店，但系劲难食。今次系同同事细猪哥一齐去𠮶头做嘢，做完嘢，佢话想多谢我请佢食嘢，就点都要请返我入茶记坐低饮杯嘢咁话。咁入得去，就叫埋下午茶餐啦。佢就叫咗个 $30 嘅「鲜牛油菠萝包」，加 $3 饮「冻奶茶少少甜」，佢话系正常发挥，不过不失咁，信佢啦。我就比较中意食吓新嘢，见佢有款下午茶卖 $40，名称系「现烤拉丝芝士脆猪配苹果沙律」，就叫份食吓，味道都可以。嘢饮方面，加 $9 可以饮「香橙柠檬乳酸」，非常特别，不过冰多过乜，两啖饮晒，都几冇瘾。埋单价系 $82，佢要争畀钱我都冇办法。。。（地址：旺角上海街595号地舖及1楼） 呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：油尖旺区分店：1am0563深水埗区分店：1am0850#1amfoodie #foodie #hkfoodie