蒲仙味滷麵

营业中

休息中

【油尖旺区】【蒲仙味卤面】一直同大家喺尖东揾嘢食，开始慢慢杀入尖沙咀入啲喇。堪富利士道都有几间餐厅，首先吸引到我嘅系呢间福建菜，我对福建菜要求几高，挑战吓佢。喺「蒲仙古法扁食汤类」拣咗 $55 嘅小份「全家福扁食汤」，有 15 只，仲配嘢饮，我拣咗「热奶茶」。扁食味道可以，小云吞嚟讲合格，热奶茶只属正常，比港式茶餐厅差。之后食 $68 嘅「蒲仙九转套肠」，呢个肠系𠮶啲「肠包肠」，相当考工夫，而佢个味道都合理，至少唔系难食先。跟住我就食 $43 嘅「蒲仙炸荔枝肉」，见到呢个价钱都觉得有古怪。因为荔枝肉呢味菜系透过猪肉同糖醋酱色，整到好似荔枝咁，仲会伴鲜荔枝肉食。有啲劲啲嘅仲会用十字花刀将长形瘦肉切到荔枝咁，炸起再同荸荠一齐炒，上碟𠮶阵似一粒粒荔枝咁，好癫，呢碟就纯粹系一碟普通炸猪肉，好一般。埋单 $166，当买个体验。。。（地址：尖沙咀堪富利士道5号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #g