金二少冰室

营业中

休息中

【油尖旺区】【金二少冰室】我系茶餐厅 foodie 呢个朵就应该系众所周知，我会唔会系全香港第一个承认自己成日食茶记嘅 foodie？嗱，留意返系「承认成日食」，唔系「成日食」，讲紧嘅系两个唔同嘅行为嚟，心水清嘅读者可能感应到讲乜。入正题先，因为今次都系正经嘢，话晒人哋个朵仲响，即系佐敦金二少叫到你唔系唔去下话𠮶只，咁咪去啰，佢喺童军酒店对面，唔难去吖，附近仲有 Plato 同埋突破书廊，我仲喺呢头撞见过我小四班主任咸家，少啲嚟好啲。入到去，侍应极力推荐我食 $68 嘅「原只南瓜海鲜咖喱焗饭」，听个名几有霸气同埋几正，但系我真系唔想食饭，冇计。叫咗个金二少常餐，有「金牌沙爹牛肉面」、「蟹柳炒滑蛋」同「牛油多士」，个面唔算特别，只系 okay。反而个炒滑蛋配蟹柳几有新鲜感几得意，而且炒得几滑，件多士就正常啦。嘢饮方面，我换咗金二少嘅樽装「港式奶茶」，茶底几厚实，几正。加埋做「熊仔奶茶」就仲正，个冰熊仔好似都系茶嚟，溶入杯嘢饮𠮶阵感觉唔错。个餐 $48 加 $19 嘢饮就变成 $67，硬系好似唔多够喉咁。本身谂住叫西多，但我见隔离枱叫，系切好咗金砖𠮶种，吸引力大减，不如叫茶记绝少见到嘅「朱