影片
更多
2023-05-02
378 浏览
【油尖旺区】【霸王川庄】好耐之前曾经同同事去食朗豪坊嘅川庄，今次又有机会去试佢哋，梗系再带埋佢，因为我唔太好食辣。不过 1am0324 𠮶次我都觉得啲嘢好正，系我喺公司提及第二多嘅嘢，因此我都满怀期待咁杀上 iSquare 廿五楼。一入去见到个装修好新派，新派得嚟又够高贵，用云石台配合维港景色食嘢，我心里面都哗哗声。咁当然我喺同事面前输人唔输阵，一阵佢同女同事讲我失礼晒咁，咁女同事对我印象差咗，就真系得不偿失，不过个景坚靓。新读者未必睇过上一次，咁我又讲吓呢间新派创意川菜，佢哋有多年川菜经验，传统味道配新派嘅演绎。精于选取唔同种类嘅四川香料同食材，融汇贯通，从而为客人提供摆设精致但不失风味传统嘅四川菜，佢哋系做得到嘅。所以点可以唔食佢哋嘅酸菜鱼，叫咗个例牌嘅「南充酸菜桂花鱼」，$438，汤底以上汤熬制，加入四川正宗老坛酸菜，味道咸酸而色泽鲜亮嘅。酸菜汤里面加入滑溜嘅去骨鱼片同埋薯粉，口感脆嫩，酸香扑鼻，食材间非常夹。上次食咗羊腩，今次食 $275 嘅「孜然蒙古羊架」，西式羊架食得多，川式都系第一次。充满唔同辣椒干喺面，好似有指天椒干、灯笼椒、四川辣椒干，成件事几惹味、几醒神，食落就想继
一入去见到个装修好新派，新派得嚟又够高贵，用云石台配合维港景色食嘢，我心里面都哗哗声。咁当然我喺同事面前输人唔输阵，一阵佢同女同事讲我失礼晒咁，咁女同事对我印象差咗，就真系得不偿失，不过个景坚靓。
新读者未必睇过上一次，咁我又讲吓呢间新派创意川菜，佢哋有多年川菜经验，传统味道配新派嘅演绎。精于选取唔同种类嘅四川香料同食材，融汇贯通，从而为客人提供摆设精致但不失风味传统嘅四川菜，佢哋系做得到嘅。
所以点可以唔食佢哋嘅酸菜鱼，叫咗个例牌嘅「南充酸菜桂花鱼」，$438，汤底以上汤熬制，加入四川正宗老坛酸菜，味道咸酸而色泽鲜亮嘅。酸菜汤里面加入滑溜嘅去骨鱼片同埋薯粉，口感脆嫩，酸香扑鼻，食材间非常夹。
上次食咗羊腩，今次食 $275 嘅「孜然蒙古羊架」，西式羊架食得多，川式都系第一次。充满唔同辣椒干喺面，好似有指天椒干、灯笼椒、四川辣椒干，成件事几惹味、几醒神，食落就想继续食，好似有上咗瘾咁嘅魔力。
之后要咗份半只嘅「烤北京片皮鸭」，$288，真系新鲜烤制嘅，佢写就写个制作时间系 45 分钟，不过实情都系半个钟左右就起到。食落都唔错呀，肥瘦分明，油脂又香。个皮都够薄而又唔会穿，成件事都几完美，冇嘢挑剔。
最后要咗个 1300ml 嘅「特大新鲜果茶」做饮品，$128，我同同事 share 饮都够，仲有特定嘅饮品勺，几好。佢个茶同上次一样，每个茶位 $20，冇分别。总括而言我觉得对住维港景以呢个价钱食川菜，系几唔错嘅。。。
（地址：尖沙咀弥敦道63号国际广场25楼2501号舖）
#1amfoodie #foodie #hkfoodie #thatfoodiething #hkfood #food #globaleats #followforfollowback #love #eat #1am油尖旺区 #尖沙咀 #尖东 #国际广场 #isquare #霸王川庄 #SichuanHouse #川菜 #四川菜 #指天椒干 #灯笼椒 #四川辣椒干 #南充酸菜桂花鱼 #烤北京片皮鸭 #孜然蒙古羊架 #特大新鲜果茶 #1am0741 #1ambackup
2 浏览
0 赞好
0 留言
张贴
