影片
更多
2023-06-01
181 浏览
【油尖旺区】【风云丸】近红馆嘅位置我做咗个 1am红馆 系列之后，𠮶边啲嘢食都食得七七八八，所以要将核心嘅内围扩展到去核心嘅外围，去远少少食。讲到尾其实咪即系尖东，因为红磡去到芜湖街𠮶边其实我都食过唔少餐厅，有啲又要排队。一直都有人问我日式拉面边间好食，只可惜我只系比较多食潮式粉面，日式拉面真系好少食，同埋冇乜感觉，好难比较高低，只能够单纯地讲啲流于表面嘅嘢。嚟到呢间「风云丸」见佢仲有「下午茶套餐」，就叫个嚟食吓。我叫嘅系 $88 嘅「鱼介酱油豚骨炙烧豚肉沾面」，沾面我更加唔识食，见佢个汤系用石锅热辣辣咁上觉得几有诚意，揾啲面稍为拖一拖之后食都几好。面上面有块炙烧豚肉，肥瘦适中，质素系可以嘅，嘢饮「热绿茶」就一般。个餐仲有个小食，我拣咗「沙拉炸饺子」两件，味道都唔错。不过其实另一款小食我都想食，就加 $18 要埋「烧汁唐扬炸鸡」，啲鸡都几滑，烧汁又几浓，都系几好食嘅。咁样夹埋玩咗我 $106，食个日式拉面下午茶系咁上下挂。。。（地址：尖沙咀么地道30号Mody House地舖）
一直都有人问我日式拉面边间好食，只可惜我只系比较多食潮式粉面，日式拉面真系好少食，同埋冇乜感觉，好难比较高低，只能够单纯地讲啲流于表面嘅嘢。嚟到呢间「风云丸」见佢仲有「下午茶套餐」，就叫个嚟食吓。
我叫嘅系 $88 嘅「鱼介酱油豚骨炙烧豚肉沾面」，沾面我更加唔识食，见佢个汤系用石锅热辣辣咁上觉得几有诚意，揾啲面稍为拖一拖之后食都几好。面上面有块炙烧豚肉，肥瘦适中，质素系可以嘅，嘢饮「热绿茶」就一般。
个餐仲有个小食，我拣咗「沙拉炸饺子」两件，味道都唔错。不过其实另一款小食我都想食，就加 $18 要埋「烧汁唐扬炸鸡」，啲鸡都几滑，烧汁又几浓，都系几好食嘅。咁样夹埋玩咗我 $106，食个日式拉面下午茶系咁上下挂。。。
（地址：尖沙咀么地道30号Mody House地舖）
张贴
