鮨之

营业中

休息中

【油尖旺区】【鮨之】同朋友嚟到朗豪坊，讲真我对呢度有咩食真系唔系话咁清楚，平时都好少去啲大商场食嘢。作为一个 foodie，平时大部份时间都中意选择非集团嘅餐厅，当然好难避免都会掂到大集团，但系有时啲集团分支嘅我都接受到。讲返朗豪坊呢边，本身朋友系想食 Pepper Lunch 嘅，但系 food court 实在系一席难求，因此要另外拣嘢食。喺 food court 旁边嘅呢间日本餐厅自然就成为咗上乘之选，入到去之后就同朋友坐低咗，环境都舒服，整体都企理嘅。大家都叫咗嘢食，都系包埋沙律、前菜、甜品，前菜系中华沙律嚟，都 okay 嘅。我哋另外仲各叫咗一客 $38 嘅「茶碗蒸蛋」，个样似碗汤羹咁，食落都正常嘅。主食方面，朋友叫咗 $88 嘅「鸡扒乌冬」，佢觉得都唔错嘅。我就叫 $228 嘅「极级霜烧寿司御膳八件」，呢个餐仲包埋面豉汤，okay 嘅，啲寿司都几好味。甜品最后上，系抹茶大福嚟，味道一般，但用嚟做甜品算系克尽己任。加埋一埋单价 $431，喺旺角食餐日本嘢系差唔多价钱，冇特别。。。（地址：旺角亚皆老街8号朗豪坊4楼6号舖）#1amfoodie #foodie #hkfoodie