鮨優

营业中

休息中

【油尖旺区】【鮨优】呢排好多游客冲嚟香港，感觉已经好似返返以前咁。毕竟香港呢边啲人比较识时务，喺语言上都乐意就对方，所以深得中外游客欢迎。当中登打士街就系其中一个「扫街」热点，风头同埋热度仲劲过北京嘅王府井大街呀。咁喺呢条街上面，除咗有好出名嘅肥姐小食、威威小食等等，其实仲有间唔系好起眼嘅日式外卖店，佢哋主打系寿司、手卷之类。我第一次食就食咗佢哋两款手卷，印象都几深刻，所以就走咗去食埋第二次先一次过出 post。首先食 $32 嘅「香葱呑拿鱼腩手卷」，估佢唔到，个呑拿鱼蓉整得相当好食，鲜得嚟入口好 creamy，葱味又香，正。另外仲食咗 $20 嘅「明太子沙律手卷」，味道都浓香得嚟唔会好腻，食完一件就好想即刻再食多一件咁呀。第一次嘅感受咁好，好似头先话斋就去食多咗次。二访呢次就食 $32 嘅「三文鱼加州卷」，等咗一阵先有，因为系即整。厚厚嘅三文鱼刺身稍为火炙之后铺喺加州卷上面再加个酱汁，好肥仔，但系好食，估唔到呢个位都有好嘢。。。（地址：旺角登打士街43S-43P号鸿辉大厦地下A9号舖）#1amfoodie #foodie #hkfoodie #thatfoodiething #hkf