龍城冰室

营业中

休息中

【油尖旺区】【龙城冰室】又系去尖东呢个竞争激烈嘅地方食饭，疫情期间促使咗多一间茶餐厅嚟呢度插旗，就系之前都同大家食过其他分店嘅龙城冰室。不过揾返旧 post 好难，都真系好耐历史，揾得返一个 post 已经算系咁。茶记，我估都唔太重视。我第一次去系食 $69 嘅「焗芝士牛脷意粉」，又几正，够晒肥仔，加 $6 饮「冻柠茶」走甜，埋单都系 $75。喺得𠮶头食饭，呢个价钱都真系差唔多喇。而今次都会入 1am红馆 系列，所以我点都会食多次先写，认真啲㗎嘛。今次就同复姓哥去，佢叫咗个 $78 嘅「晚餐E」，即系「招牌酸菜鱼饭」，加 $3 饮「冻柠水」少甜少冰，都几大份㖞，佢话味道都可以嘅。而我就食个 $108 嘅「美式杂扒」，主食有齐猪扒、牛扒、鸡扒、纽伦堡肠同烟肉。跟「烧汁」同配「薯菜」，仲有「丹麦多士」同「中汤」。总体而言所有嘢偏咸，加 $3 嘅「冻杏霜」好快饮晒，另外用 $18 叫多罐「无糖可乐」先算好啲。呢餐仲要系复姓哥请，我叫咁多嘢搅到鬼咁唔好意思呀，真系吖。。。呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：观塘区分店（九龙湾