Le Viet

营业中

休息中

【油尖旺区】【Le Viet】喺尖沙咀行街，揾嘢食都唔容易，选择虽然多，但系要揾间好嘅都真系要拣一拣。好彩今次同行嘅朋友系一位识饮识食嘅女仔，而且最重要嘅系佢曾经喺呢头附近做嘢，所以我完全将个选择权交咗畀佢。佢话 The ONE 四楼呢间越南餐厅系唔错，就信佢啦。𠮶个时间食 lunch 就啱晒，一人试一个「午市精选」套餐就啱晒，不过其实我哋都系 share 食，都冇分边个食边份喇。我哋试咗「海鲜炒檬粉」同「Le Viet 招牌饭」，前者炒得好够热，海鲜同蛋都好多，好快清晒。后者就综合咗唔同嘅𩠌菜，乜都有得食。我哋仲试埋「串烧鸡牛猪三串」同「鲜虾米纸卷」呢两款小食，都系好好味嘅，前者够浓味，后者够清新，相辅相成。嘢饮方面，我就饮「三色冰」，浓厚清甜，邪恶度爆表。朋友就饮「越南滴滴咖啡」，听佢讲返都系相当具有质素嘅咖啡，佢中意就好喇。。。（地址：尖沙咀弥敦道100号The ONE 4楼L402号舖）@leviet23#1amfoodie #foodie #hkfoodie #thatfoodiething #hkfood #food #instafood #yummy #foodlover