Owl’s Stage (已結業)

【油尖旺区】【Owl’s Stage】同春哥嚟到太子揾嘢食，以前一定系倾向行去旺角方向睇，但系今次心血来潮就向返深水埗𠮶边睇。又唔太想食荔枝角道𠮶堆传统老店，就入一条街，半推半就之下入咗呢间酒吧西餐食 lunch。最紧要系我上司春哥 okay，我呢啲冇乜所谓嘅啫，好识做人嘅。我哋试两样嘢，首先上菜嘅系 $118 嘅「法式卡邦尼烟肉洋葱意粉」，我哋 share 食，佢哋嘅卡邦尼唔系好似其他咁打到一 pat pat 蛋黄酱，而系比较干身，芝士香同咸香都几丰盈。同埋意粉嘅口感唔会话腍到糊仔咁，有返啲「咬口」，烟靱啲，几好食嘅。另一款我哋试咗嘅系 $98 嘅「黑啤酒浆脆炸比目鱼柳薯条」，个脆浆好得，炸到脆卜卜得嚟冇影响到比目鱼嘅鲜味同口感，配合埋炸薯条，送酒一流。不过我哋都只系饮咗各 $28 嘅「冻柠茶」同「菠萝汁」，都系健康好饮嘅正常之作，埋单 $299，唔错㖞。。。（地址：太子大南街27-31号富威阁地下3-4号舖）@owls.stage#1amfoodie #foodie #hkfoodie #thatfoodiething #hkfood #food #instafood #yummy