忠記粥品 (鴉打街)

营业中

休息中

准备外游差不多两星期，有时间系机上写食评。出左街，本来有间店好想食，但到埗收左工，好颓（有机会我一定会去，到时介绍俾大家）。呢轮天气冻番啲，突然间好想食粥。刚巧呢树有间粥店，买我最爱嘅碎牛粥同萝卜糕，安抚我食唔到我想试个间。6点几，未系食饭时间，都有啲人帮衬。环境算系开扬，唔会好逼。所有酱佢另外放，可以自己加。碎牛粥$18，粥绵绵的，碎牛都够多，有啲油系合理，唔算太多。萝卜糕$12，个人觉得一般，唔够萝白。整体还好，粥类可以食。