川聚緣

营业中

休息中

今次嚟到油麻地介绍一间专做川菜嘅餐厅——川聚缘。呢间其实我过去都食过好多次，因为佢选择多同埋价钱都非常吸引，所以当谂起想食辣时好多时都会过嚟。———————————————🌟烤海鲈鱼 $258呢个烤海鲈鱼真系不得了，泡椒口味够辣够惹味，唔系𠮶种假辣，而系辣得嚟好香。鱼肉新鲜细嫩，超大条鱼好多肉，同埋唔多骨够晒满足。入面仲有薯仔同埋芽菜，薯仔吸晒鱼汤同泡椒嘅香味，变得更加入味，芽菜脆口又清新，为整道菜增加咗口感同层次。🌟铁板水晶粉铁板水晶粉真系必试之选，几乎每次嚟都会叫。底层铺满咗鸡蛋，可以捞埋食。水晶粉口感烟韧，弹牙有嚼劲，吸收晒酱汁嘅精华，味道浓郁，而且辣味十足，真心惹味。🔸整体食评🔸每次都觉得呢度嘅川菜够晒正宗，如果你本身钟意食辣，咁呢间确实系值得推荐嘅川菜餐厅。