泰旺泰國餐廳 (已結業)

天气冻冻哋，最啱食啲有汤嘅嘢食，而冬荫公猪颈肉汤河（$52）就系不二之选，食饱暖笠笠！汤底少辣，酸味比辣味重，愈食愈开胃！另外，汤粉有嚼口，唔会一夹就散。猪颈肉稍稍煎过，好香口，正！干炒金边粉（$50），普普通通，不过就比较油。最惊喜嘅系，入面有菜甫粒粒，估唔到增加到口感之余，又几夹噃！我仲追加咗份小食，香茅炸鸡中翼两只（$13），一般般，唔够脆。好彩入面唔鞋，好多肉汁！建议可以叫下其他小食！店舖面积唔算大，当炒嘢炒到有镬气嘅时候，会有啲烟雾弥漫嘅感觉😂不过唔会维持好耐，放心！