影片
更多
2023-05-26
287 浏览
自助餐食得多，以泰国菜为主既自助餐我都系第一次食😋因为我本身都好钟意食泰菜，仲要系buffet形式，所以期待左好耐😝先分享餐厅既环境，日头同夜晚都好有泰国度假风情⛱️餐厅分户外同室内位置，户外座位阔落，仲可以清楚欣赏到live band，够晒有feel！室内环境就比较舒适，夏天怕热既我就拣左室内位置坐😌餐厅既布置都好有心思，无论室内外都充满泰国特色既装饰、摆设🇹🇭例如出面有架泰国笃笃，打卡一流📸室内挂满藤制既灯罩，仲有好多泰国大笨象既踪影🐘🥰呢度既食物种类真系好多好多🤩大致分成以下呢几类同大家分享：❥ 前菜区有杂锦芝士拼盘、杂菜沙律、菠萝火腿、黑椒牛肉、口水鸡⋯仲有充满泰国特色既有菠萝扎肉米纸卷，同埋金柚沙律🥗西式泰式都包罗万有！好想试晒全部⋯但要留肚食其他食物🥹❤️❥ 冻海鲜区有长脚蟹、冻熟虾、黄金翡翠螺、纽西兰蓝青口💖 我最钟意食长脚蟹、冻熟虾，味道鲜甜，而且啖啖肉！另外，虽然话系泰式自助餐，但竟然见到日式刺身，分别有三文鱼同吞拿鱼，两款都好厚切，食落口感滑嫩，有惊喜🍣❥ 熟食区呢区有好多东南亚既热食😋有黄咖喱配印度薄饼、生炒糯米饭、海南鸡饭、自选材料泰式船河、铁板蚝仔炒蛋等等😍又系样
因为我本身都好钟意食泰菜，仲要系buffet形式，所以期待左好耐😝
先分享餐厅既环境，日头同夜晚都好有泰国度假风情⛱️
餐厅分户外同室内位置，户外座位阔落，仲可以清楚欣赏到live band，够晒有feel！
室内环境就比较舒适，夏天怕热既我就拣左室内位置坐😌
餐厅既布置都好有心思，无论室内外都充满泰国特色既装饰、摆设🇹🇭例如出面有架泰国笃笃，打卡一流📸室内挂满藤制既灯罩，仲有好多泰国大笨象既踪影🐘🥰
呢度既食物种类真系好多好多🤩
大致分成以下呢几类同大家分享：
❥ 前菜区
有杂锦芝士拼盘、杂菜沙律、菠萝火腿、黑椒牛肉、口水鸡⋯仲有充满泰国特色既有菠萝扎肉米纸卷，同埋金柚沙律🥗西式泰式都包罗万有！好想试晒全部⋯但要留肚食其他食物🥹❤️
❥ 冻海鲜区
有长脚蟹、冻熟虾、黄金翡翠螺、纽西兰蓝青口💖 我最钟意食长脚蟹、冻熟虾，味道鲜甜，而且啖啖肉！
另外，虽然话系泰式自助餐，但竟然见到日式刺身，分别有三文鱼同吞拿鱼，两款都好厚切，食落口感滑嫩，有惊喜🍣
❥ 熟食区
呢区有好多东南亚既热食😋有黄咖喱配印度薄饼、生炒糯米饭、海南鸡饭、自选材料泰式船河、铁板蚝仔炒蛋等等😍又系样样都想食！
最欣赏佢既黄咖喱配印度薄饼，咖喱汁好浓郁，味道偏甜，好有风味！！
另外仲有冬阴功汤同杂菌忌廉汤，值得一试😝
❥ 厨师主理区🧑🍳
小鸟胃既朋友，都一定要留肚食呢区既食物！
有咸猪手同西班牙乳猪🐽🇪🇸😍
咸猪手外皮脆卜卜，肉质软腍，好好食🤤
乳猪系用餐途中新鲜出炉🥳热辣辣，外皮香脆，好厚肉，一定唔可以错过！！
最后仲推出焦糖炖蛋，厨师即席用火枪烧出香脆既焦糖面，炖蛋好软滑，每啖都食出幸福感🤣🥰呢个都一定要试呀！
❥ 甜品
甜品选择都好多🤤🍮🍰🍦
比较有特色既包括有芒果糯米饭、椰汁糕、葡挞、朱古力味/芒果味Croffle，另外仲有大量西式甜点，例如士多啤梨慕丝🍓、芝士蛋糕、鲜杂果蛋糕、木糠布甸、布朗尼蛋糕🍰当然唔少得有Movenpick雪糕🍦（任食🥹师奶心态觉得好抵啊～～）
好欣赏佢既芒果糯米饭，有齐晒3款唔同既米，而且份量唔系好多，可以试多d唔同既甜品！
❥ 饮品
冻热饮都有，冻饮包括金桔柠檬、百香果橙、菠萝芦荟、蜜桃茶、冷泡茶(无糖)，以上全部都用樽仔装住🫙另外仲可以自己斟椰汁珍多冰、芒果沙冰，劲refreshing🍹热饮有热茶、朱古力、各种咖啡☕️
张贴
