やき肉 (元州街)

营业中

休息中

【深水埗区】【やき肉】我之前食过呢间喺西环嘅分店，觉得几好食，一直都想同女同事去，只可惜根本唔会有呢个机会，就带住半点哀愁，自己一个走咗入去。用 ipad 先叫咗个 $138 嘅「牛舌+牛脖子肉+牛五花SET(300g)」，应该系抵食夹大份嘅。个餐啲肉应该系一早切好摆喺度等人叫，不过拣咗「盐烧」味道都可以。而呢三款肉正正常常，个餐里面仲有一碟仔枝豆、白饭同汤，性价比系 okay 嘅，细食啲可能咁就可以。但系大家都明，我㖞，我就梗系仲会叫嘢食。两款五花系 $19 嘅「牛腹五花(100g)」同 $27 嘅「猪五花(100g)」，后者拣咗盐烧，质素都系可以嘅。跟住到 $27 嘅「鸡腿肉(100g)」，用汁烧，我都几期待嘅一款，结果冇令我失望，食落都几嫩滑，系咪因为我烧得好？跟住到 $49 嘅汁烧「牛葱葱(100g)」，上次食好好食原来系因为浣纱娘卷得好，今次自己整到一塌糊涂，都好食嘅。加咗 $6 要只「生鸡蛋(日本蛋)」捞饭同 $10 要罐「乌龙茶」饮，夹埋总共 $276，咁多嘢食嚟讲系几抵嘅。。。（地址：深水埗元州街146号地舖）#1amfoodie #foodie #hkfoodie #