影片
更多
2023-06-01
199 浏览
【深水埗区】【三记甜品】喺深水埗𠮶边食完饭，自然想食吓甜品。𠮶头其实都几多选择，有求学时期成日食嘅松记，平靓正啱晒任何阶层。之后有一段时间我系比较中意另一间好似系叫三姐松记嘅，因为冇咁逼、食得冇咁赶时间同埋啲雪糕好食啲。好耐冇过嚟呢边之下，见到八仙饼店近油站𠮶边仲有间叫「绿林三记」嘅糖水舖，作为八卦精嘅我梗系入去叼碗 $33 嘅「杨枝甘露」感受吓。唔系讲笑，街坊糖水嚟讲佢呢碗算唔差，所以一直都想等下次有机会再嚟食先写嘢。点知下次去到连名都改埋叫「三记」，不过啲设定完全一样，似换汤唔换药。一望餐牌，「杨枝甘露」变咗 $37，哗！算喇，食个 $34 嘅「芒果班戟」睇睇，𠮶吓有啲想食，上菜见佢系外卖胶盒放返上碟，但都整得几好食㖞。唔知仲有冇机会再嚟，叫多个 $24 嘅「豆花布甸」嚟睇吓。味道又几特别，真系有豆香嘅布甸，而且系冇违和感嘅，都几好。总括而言呢间嘢嘅出品都系唔错嘅，难怪我两次去到都见到佢哋堂食同埋外卖嘅生意都几好。。。（地址：深水埗元州街9号景业大厦地下）
好耐冇过嚟呢边之下，见到八仙饼店近油站𠮶边仲有间叫「绿林三记」嘅糖水舖，作为八卦精嘅我梗系入去叼碗 $33 嘅「杨枝甘露」感受吓。唔系讲笑，街坊糖水嚟讲佢呢碗算唔差，所以一直都想等下次有机会再嚟食先写嘢。
点知下次去到连名都改埋叫「三记」，不过啲设定完全一样，似换汤唔换药。一望餐牌，「杨枝甘露」变咗 $37，哗！算喇，食个 $34 嘅「芒果班戟」睇睇，𠮶吓有啲想食，上菜见佢系外卖胶盒放返上碟，但都整得几好食㖞。
唔知仲有冇机会再嚟，叫多个 $24 嘅「豆花布甸」嚟睇吓。味道又几特别，真系有豆香嘅布甸，而且系冇违和感嘅，都几好。总括而言呢间嘢嘅出品都系唔错嘅，难怪我两次去到都见到佢哋堂食同埋外卖嘅生意都几好。。。
（地址：深水埗元州街9号景业大厦地下）
张贴
