五福園

营业中

休息中

【深水埗区】【五福园】同真正哥行深水埗，咁就梗系喺埋深水埗食嘢。呢区食嘢出名款式多之余又平靓正，因此都唔怕会中伏。行住睇，行到北河街呢边见到呢间五福园几吸引，主打正宗福建小食同面食，又有石磨肠粉，二话不说就杀入去。入到去见到呢间小店几简洁，枱櫈唔多，几干净企理，唔同某啲内地小店嘅环境。而佢哋系做莆田传统手工菜，招牌菜燕皮扁肉系每日人手包制，同一般嘅云吞、水饺唔同。吹到咁劲，叫碗 $36 嘅大「莆田古法扁肉」嚟试吓。食落有啲似我本身好中意食嘅小云呑，里面肉馅唔大但好香肉味。而佢哋每一粒都系 bite size，啱啱好，我劲中意食。而真正哥就试 $38 嘅「秘制牛腩面」，佢哋啲牛腩切得比较细，但一样好食，配合埋个面都真系几丰富嘅。之后我哋试埋石磨肠粉，叫咗 $25 嘅「虾仁肠粉」，虾仁本身有腌咗味，件事唔会咁寡。而肠粉本身系石磨嘅，好香，香港唔易食到，近年先叫多少少。夹埋成餐只系 $99，抵食啦，下次试埋佢哋个药膳汤面，好似都正。。。（地址：深水埗北河街131号地舖）#1amfoodie #foodie #hkfoodie #thatfoodiething #hkfood #food #i