太子茶餐廳 (海盈邨) (已結業)

【深水埗区】【太子茶餐厅】上次同大家一齐探索咗海达在西九，咁今次就去佢对面海盈邨继续揾嘢食。我系行新起𠮶条全港跨度最长嘅公屋行人天桥过去嘅，条桥长约 145 米，阔约 6 米，连接海达邨和海盈邨，横跨十六条行车线，系又高又靓㖞。不过，横过十六条行车线对我嚟讲唔算好特别，喺阿根廷首都布宜诺斯艾利斯的七月九日大道就有十八条行车线，全球最阔，𠮶时我喺𠮶度，过马路都要花啲时间呀。落桥就会见到海盈邨啲商舖，咁我就当然揾间茶记入去坐。佢都系啲街坊茶记嚟，除咗附近做嘢啲人我估都冇乜外人会特登走入呢个地方系为咗食嘢嘅，哈哈。咁就简简单单，叫个「常餐」啦。主食我拣咗「沙嗲牛肉米粉」，食落就真系非常之咁普通，冇惊喜，都系为咗填饱个肚。反而个配菜有得拣「咸牛肉奄列」系畀到啲冲击我，起码唔使成日食火腿奄烈先，即刻拣呢个。食落都唔错，味道浓，生熟度系中间偏熟，够大份都几唔错嘅。不过个「蒜蓉厚多士」唔多厚，比较失望，要加两蚊有啲揾笨。餐饮我拣「冻柠茶」少甜少冰，都系正常水准，不过不失，成份餐要我 $49 我冇乜感觉，反正都未必有下次。收银𠮶时有个小插曲，本身我想用八达通畀钱，点知佢系统唔知做乜取消咗我张单，见个收