荔源粥麵店

营业中

休息中

【深水埗区】【新荔源】呢排有啲唔舒服，食极药都系咁嘅样，所以谂住食吓粥。不过公司附近啲粥舖好似十间有九间都执咗，所以要搭车去远少少食。搜寻吓就见到深水埗呢边有好几间粥舖，是但入一间睇吓，呢间见佢几就脚同光猛，就用佢。入到去几有七八十年代啲食堂𠮶啲 feel，话明要食粥就整碗 $34 嘅「艇仔鱼腩粥」，唔知佢个钱系点计出嚟嘅，不过系合理价钱就算数啦。味道上都可以，系啲鱼腩偏少同埋骨多，有少少令人食得唔系好自在，其他方面都好。之后就食个 $20 嘅「鲜虾肠粉」，严格嚟讲我系食佢先嘅，因为碗粥太热，食咗几啖就专心食肠粉。佢啲虾唔系平时啲虾仁咁大只，系用咗细只啲嘅虾，味道都正常。啲肠粉就好似稍为煎过咁，所以好似焦焦哋，有少少脆口。讲到自己想食健康啲但又忍唔到口咁叫咗碟 $9 嘅「煎堆」，系真系好鬼油。味道方面就正正常常，冇乜特别。最特别系 $9 嘅枝装「冻自制鲜豆浆」，九蚊一枝真系好平，饮落都真系中伏，蔗汁沟菊花蜜咁，完全冇豆味嘅。夹埋又食咗 $72，不过平时少食呢啲就冇乜所谓啦。特登留个空间喺尾段系想同啲真系有睇晒成篇嘢嘅读者讲吓，呢篇系 1am0991，即系 1ambackup 嘅第 99