影片
更多
2023-05-06
1178 浏览
【深水埗区】【明兴牛什粉面茶餐厅】上回提到 社交平台牛腩牛杂群组之前有过世界大战，就系讲紧同一条街二百米之内有三间潮州粉面舖。我作为一个密探，梗系要去好好试吓呢三间嘢，因为个人意见嘅嘢有时都真系只系参考，唔好太沉迷。加上，呢啲饮食群组里面「打手」极多，大家见我唔会做 openrice 同 社交平台呀 Google 呀𠮶啲，就系因为我都几抗拒呢种近似「唱红打黑」嘅行为，我都系信自己，无惧各种势力，写出自己心中所想，无愧于心就算。自己确诊武肺之后，冇出到去食嘢，所以我明明系想食多几次先做呢个大埔道潮州粉面系列嘅，都喺逼不得已之下要食一次就写。呢个安排都唔系第一次系咁，留得低睇我嘅读者相信都明白同体谅我嘅处境嘅，多谢咗先。第二间讲嘅呢间「明兴」，虽然佢冇之前𠮶间咁耐，但系都好似十几廿年，所以都系旧旧哋咁样嘅。牛腩牛杂群组提供嘅意见唔算多，呢啲位冇意见好过多意见呀，个原理就好似女仆 cafe 咁，冇乜新闻静静做就最稳阵。我喺「明兴」就叫咗碗「腩什粗」，即系「牛腩牛杂粗面」，佢个汤头冇嵩记咁咸，而个牛腩我觉得鞋口过嵩记系比较棘手。牛杂方面都好普通，冇乜突破，喺呢度我有叫嘢饮，叫咗杯「冻柠茶」，好
加上，呢啲饮食群组里面「打手」极多，大家见我唔会做 openrice 同 社交平台呀 Google 呀𠮶啲，就系因为我都几抗拒呢种近似「唱红打黑」嘅行为，我都系信自己，无惧各种势力，写出自己心中所想，无愧于心就算。
自己确诊武肺之后，冇出到去食嘢，所以我明明系想食多几次先做呢个大埔道潮州粉面系列嘅，都喺逼不得已之下要食一次就写。呢个安排都唔系第一次系咁，留得低睇我嘅读者相信都明白同体谅我嘅处境嘅，多谢咗先。
第二间讲嘅呢间「明兴」，虽然佢冇之前𠮶间咁耐，但系都好似十几廿年，所以都系旧旧哋咁样嘅。牛腩牛杂群组提供嘅意见唔算多，呢啲位冇意见好过多意见呀，个原理就好似女仆 cafe 咁，冇乜新闻静静做就最稳阵。
我喺「明兴」就叫咗碗「腩什粗」，即系「牛腩牛杂粗面」，佢个汤头冇嵩记咁咸，而个牛腩我觉得鞋口过嵩记系比较棘手。牛杂方面都好普通，冇乜突破，喺呢度我有叫嘢饮，叫咗杯「冻柠茶」，好正常但细杯。
之但系碗面连埋嘢饮其实都只系收我 $40，我又唔觉得好过份，不过杯嘢太快饮晒搞到渴住咁食埋个尾，冇得畀我舒舒服服睇埋场马先走。呢间特色除咗有电视睇，仲有茶记常餐供应，系其余两间冇嘅，呢一点可以留意。。。
（地址：深水埗大埔道98号地下）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0607 #globaleats #tastyfood #foodpics #followforfollowback #love #eat #1am深水埗区 #深水埗 #太子 #石硖尾 #明兴牛什粉面茶餐厅 #明兴 #腩什粗 #牛腩 #牛杂 #潮州粉面
张贴
