影片
更多
2024-06-28
850 浏览
【深水埗区】【龙宝酒家】今晚呢餐系同一班长辈食嘅，所以都唔系咁方便丧影食物相，求其影吓就算。不过由于呢间酒楼喺香港都算出名，而家有五间分店，咁就讲吓啦。呢餐饭系因为有人想食 $328 嘅「鸿运脆皮乳猪」一只，系「席上自剪乳猪」，佢唔包切，不过酒楼会提供较剪。由于佢要九位或以上先可以叫「一只」，所以我先掹车边出席到。而味道上又真系唔错，唔怪得啲长辈搞到咁大龙凤叫人都要食。而我哋亦都有叫其他小菜嚟食，例如「瑶柱扒豆苗」、「西芹腰果炒虾仁」同「砵酒焗日本生蚝」，佢哋嘅味道都可以嘅。仲叫埋「米酒鸡孖宝」嘅「药膳米酒鸡」一只配「上汤焗大虾球伊面」，又叫咗「大龙趸斑两味」嘅「翡翠炒斑球」配「蒜香云耳蒸头腩」，质素都系可以嘅。加多碟「生炒糯米饭」就个个都饱晒，收埋「开瓶费」之后，其实我都唔知几多钱，总之多谢啦。。。（地址：长沙湾元州街280-288号地舖）
由于佢要九位或以上先可以叫「一只」，所以我先掹车边出席到。而味道上又真系唔错，唔怪得啲长辈搞到咁大龙凤叫人都要食。而我哋亦都有叫其他小菜嚟食，例如「瑶柱扒豆苗」、「西芹腰果炒虾仁」同「砵酒焗日本生蚝」，佢哋嘅味道都可以嘅。
仲叫埋「米酒鸡孖宝」嘅「药膳米酒鸡」一只配「上汤焗大虾球伊面」，又叫咗「大龙趸斑两味」嘅「翡翠炒斑球」配「蒜香云耳蒸头腩」，质素都系可以嘅。加多碟「生炒糯米饭」就个个都饱晒，收埋「开瓶费」之后，其实我都唔知几多钱，总之多谢啦。。。
（地址：长沙湾元州街280-288号地舖）
张贴
