鮮茶 (已結業)

【深水埗区】【Simply Tea】天气开始炎热，尤其呢啲假日时间。本身香港系屏风楼效应嘅亚热带天气已经热到痴筋，加上连续放几日假，今日星期日条街真系爆多人。本身都唔多想出街，但咁啱有嘢做就去一去深水埗，一去就真系中晒头先讲嘅嘢。喺呢啲情况就想饮啲嘢消暑降温，适逢可以试呢间深水埗排队茶饮店。东海棠醒呀，一开波就拣杯 $40 嘅「水果四季春」，要半糖少冰，我都有啲想叫呢杯，不过佢叫先就由佢。由于我想写嘢，所以我唔系好想重覆叫一样嘅。佢话佢杯嘢几好饮，单独抽啲果味同茶味嚟睇，都系上乘嘅水平。而两者嘅结合嚟讲，都系做得相当好嘅。咁我放弃鲜果茶系列，转攻奶茶系列啦。我就拣咗 $26 嘅「香芋奶绿」，都系要半糖少冰，呢一杯又睇吓佢咩料先。我呢杯饮落去都唔差，香芋个味几香，亦都有啲香芋泥可以食吓咁嘅。而个奶绿底唔算劲浓，但系清清哋咁，夏天嘅时候冻冰冰饮一杯都几正。不过要注意，有时呢间都要排吓队，多啲去留意吓就好啲，我买𠮶吓就排两个嘅。。。@simplytea_hk（地址：深水埗福荣街92-98号常福大厦地舖）#1amfoodie #foodie #hkfoodie #thatfoodiething