檸檬冰室 (汝州街)

营业中

休息中

放假同屋企人行深水埗，经过汝洲街见到呢间冰室，就入咗去试吓啦，中西式套餐都有🤩，食物种类繁多，可满足哂一家大细嘅食欲😋🍞一口西多伴雪糕 💰30(8/10)一块块沾满蛋液嘅西多士炸至表面金黄色，上面铺上满满嘅炼奶，邪恶🤤但真系好好食，配上有朱古力酱嘅雪糕球🍦，食落去似冰火交融😂，口感好丰富!🍛马来咖哩牛腩饭 💰50(8/10)咖喱好浓郁惹味😍，香味令人上瘾，微微少辣啱晒我呢啲只可食bb辣嘅人😋，牛腩有五六件左右，大大件，炆得软腍🐂，牛筋入口即化好出色，薯仔🥔都好入味，大推!🐓秘制无骨海南鸡 配香茅油饭 💰68(7/10)海南鸡肉质嫩滑😍，肥瘦好均匀，鸡皮几爽口，黑鼓油同辣酱酱汁好醒胃惹味，米饭粒粒分明🍚，有香茅同鸡油嘅香味，配鸡🐓食好正！🍚鲜菌芝士焗海鲜饭 💰65(7/10)呢个白汁芝士海鲜焗饭超丰富，有青口、鱿鱼🦑、虾🦐、龙脷柳等海鲜，白汁好重忌廉味，芝士🧀碎焗溶后有拉丝效果☺️🥤椰汁红豆冰 +💰8(7.5/10)超大杯嘅椰汁红豆冰，上枱时呆咗😱，呢到啲嘢饮都好大杯好抵叫😍，椰奶味好重，配红豆饮好清新解渴🥤华田红豆冰 +💰8(6/10)华田嘅沙冰，配红豆饮，如果再甜少少就perfect啦