爆丼屋 (已搬遷) 新店位置

十二月终于迎接入冬后嘅第一个冷锋，睇怕都有段时间唔会想食生冷野，所以琴日趁住冷锋🥶到达前，先去食个「最后的鱼生饭」～🌖制霸！鹅肝海鲜盛丼 $278鹅肝都几大片，表面系一层薄薄焦糖脆面，外脆肉软😋，美中不足焦糖脆面唔够平均，未得完全包裹整件鹅肝；海鲜包括饱满三文鱼籽、甘甜海胆以及一开为二，表面略为火炙，味道清甜嘅带子；生蛋黄滋润饭粒，同时减低鹅肝油腻感；蛋黄上嘅鱼子酱加添咸香，令成个海鲜丼更具层次；主角以外仲有一件印有店名嘅玉子烧，啱晒打卡📸之用。🌖超份量！三重大极上丼 $3983️⃣重分别系海胆、蟹肉同吞拿鱼腩。海胆清爽带甘味；蟹肉🦀围系碗边，少少咁食就唔系好食得出鲜味，但将佢地集中埋一齐，一匙咁放入口又有股甜味；吞拿鱼腩呈粉红色，脂肪分布平均，就算有蟹肉遮掩都依然大片，可以完全覆盖丼饭，油润得黎完全无筋，系完全无筋❗️真系非常难得‼️三款食材质素都唔错，叫做对得住个售价，偶然对自己好啲都唔过份😬。