影片
更多
2017-03-20
1743 浏览
栗子最钟意就系带鸡翼周围揾新嘢食。最近，我哋去咗一间位于湾仔的拉面店，主打鸡白汤底拉面。沿湾仔道往铜锣湾方向直行至巴路士街口，转右入去，大约行20秒望右，就会见到巨型红色灯笼。店门口有个大灯笼做装饰，其实都好易认。入到去，目测大约有15-20个座位，坐位空间尚算可以，唔会太迫。放工非常肚饿嘅缘故，好快就喺点餐纸拣好了！我俩本住一向嘅宗旨：咩都要试下嘅心态，分别点了至极鸡白汤拉面和鱼介鸡白汤拉面、一客明太子鸡翼（＄15/只）同埋一客煎饺子（＄38／6只），最后仲追加咗一碗白饭（一般香港人一定会觉得好奇怪）至极鸡白汤拉面 $88 - 据说汤底系以鸡慢火烹调10小时而成。拉面一上枱当然要饮啖汤先，鸡味十分浓厚，有糊口嘅感觉而且仲好滑溜。面条方面，栗子拣咗幼面同埋硬嘅面质，不过面条挂汤能力一般而且质感似系食紧即食面（夸张咗），呢到要扣分。至于配料就比较特别，里面有鸡叉烧、溏心蛋1只、炸莲藕片同埋露笋。 鸡叉烧相比起猪肉叉烧少咗份油腻感，好适合女仕们，不过略嫌「鞋」咗小小。溏心蛋同露笋都合格，而最有惊喜嘅竟然系炸莲藕片！？切成薄薄嘅藕片炸咗之后外脆内爽甜，即使被面汤浸淋咗都依然好味。CC评分：3
最近，我哋去咗一间位于湾仔的拉面店，主打鸡白汤底拉面。
沿湾仔道往铜锣湾方向直行至巴路士街口，转右入去，大约行20秒望右，
就会见到巨型红色灯笼。店门口有个大灯笼做装饰，其实都好易认。
入到去，目测大约有15-20个座位，坐位空间尚算可以，唔会太迫。
放工非常肚饿嘅缘故，好快就喺点餐纸拣好了！
我俩本住一向嘅宗旨：咩都要试下嘅心态，分别点了至极鸡白汤拉面和鱼介鸡白汤拉面、一客明太子鸡翼（＄15/只）同埋一客煎饺子（＄38／6只），最后仲追加咗一碗白饭（一般香港人一定会觉得好奇怪）
至极鸡白汤拉面 $88 - 据说汤底系以鸡慢火烹调10小时而成。拉面一上枱当然要饮啖汤先，鸡味十分浓厚，有糊口嘅感觉而且仲好滑溜。面条方面，栗子拣咗幼面同埋硬嘅面质，不过面条挂汤能力一般而且质感似系食紧即食面（夸张咗），呢到要扣分。至于配料就比较特别，里面有鸡叉烧、溏心蛋1只、炸莲藕片同埋露笋。 鸡叉烧相比起猪肉叉烧少咗份油腻感，好适合女仕们，不过略嫌「鞋」咗小小。溏心蛋同露笋都合格，而最有惊喜嘅竟然系炸莲藕片！？切成薄薄嘅藕片炸咗之后外脆内爽甜，即使被面汤浸淋咗都依然好味。CC评分：3.9/5
鱼介鸡白汤拉面 $82 - 以鸡白汤做底再加入鱼介粉而成，配料基本上同上述𠮶碗一样，只系少咗溏心蛋。有小许失望，唔知道师傅系唔系一时错手落多咗鱼介粉，令成个鸡白汤头都被鱼介味盖过了，浪费咗浓厚而有层次嘅汤底，有啲弄巧反拙。 CC评分：2.5/5
小食方面
煎饺子 $38 - 唔同一般日式煎饺店只供配饺子醋汁，呢到提供三款酱料（辣酱／咖哩酱／葱），鸡翼同栗子都推介中间嘅咖喱酱，配上juicy嘅饺子估唔到又几夹。 CC评分：3.6/5
明太子鸡翼 $15 - 一开二上碟，微辣的，但系干身咗小小。 CC评分：3/5
最后食完碗面栗子都唔够饱，于是追加咗一碗白饭 $12， 倒落鸡白汤当泡饭食， 一滴不漏尽情地食 晒佢！
CC评分：3.3/5
明太子鸡翼
$15
63 浏览
0 赞好
0 留言
饺子
$38
47 浏览
1 赞好
0 留言
至极鸡白汤拉面
$88
70 浏览
0 赞好
0 留言
鱼介鸡白汤拉面
$82
83 浏览
0 赞好
0 留言
张贴
