天后甜品

营业中

休息中

【湾仔区】【天后甜品】有几日系我人生中最繁忙嘅日子，繁忙到我连屋企都冇时间返，住要住酒店，洗衫就揾全香港最杰出嘅洗衣店「优悠洗衣舍」帮我做晒我想做嘅所有嘢。而我当时系住喺铜锣湾嘅某间酒店，所以夜晚想食糖水嘅时候，就落咗去天后𠮶边揾，但系甜姨姨冇开㖞。咁就本住一个试吓嘅心态去揾吓其他甜品店嚟食，反正呢啲自费嘅饮食我可以自由啲咁选择，亦都可以随住自己嘅心路历程去闯。见到有得拣 $40 嘅「豆腐花腰果露」，好有兴趣，就食吓佢。味道就正正常常啦，豆腐花有豆腐花味，腰果露有腰果味咁样啰。不过食落既然正正常常，咁都唔介意花多少少钱叫多兜嚟食。谂谂吓就叫咗 $35 嘅「桂花酒酿小丸子」，食返啲清清哋嘅嘢。咁本身都唔预佢好好食㗎喇，呢个价钱都唔系贵，佢都交出相应嘅质素，冇乜所谓。埋单价系 $75，不过不失啦，解决咗个甜品瘾啫。。。（地址：天后电气道91号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #global