昼月

营业中

休息中

【湾仔区】【昼月】第一次同一位女性朋友食饭，约喺铜锣湾呢啲地方食日本菜就比较稳阵。见呢间好似好多好评、好受欢迎咁，就去试吓。去到之后朋友好中意佢哋和风装修，非常好。侍应推荐我哋试 10 月新菜单里面嘅「冬日松叶蟹，和牛宴」，真系 menu 都未见，试啦。套餐包「酒淆」不过我哋唔饮酒就冇要到，「渍物三点」整得好好食，好开胃。跟住个鱼干小食都好味，点埋沙律酱仲正。再之后试埋「蟹肉春卷」，好少用蟹肉咁样炸，好特别。而「松叶蟹刺身四点」个蟹脚好多汁，好味，其他三款刺身都鲜甜味美。试埋香浓顺滑嘅「松叶蟹甲罗烧」之后就开炉试个「寿喜烧锅」喇，本身锅里面嘅「杂锦野菜」已经劲足料，落埋「A5和牛西冷」、「A5和牛片」同「日本猪梅片」更加系超高级享受。唔好以为好似唔系好多咁，其实𠮶下我哋已经饱，最后都食唔晒呢个。因为套餐仲有个「北海道三色丼」，配料有日本海胆、松叶蟹肉同三文鱼子，鲜味十足，讲话饱但都劲快食晒。最后仲有个甜品系雪糕牛角窝夫，埋个靓尾。价钱系 $680 位，第二位半价，第三位以后七折，几抵，最抵系佢包埋 $98 嘅三个钟清酒任饮嘛。。。（地址：铜锣湾谢斐道535号Tower 535 3楼30