檀島咖啡餅店 (軒尼詩道)

营业中

休息中

【湾仔区】【檀岛咖啡饼店】大家都知我系一只不折不扣嘅单身狗，始终我系𠮶种「择善而固执」嘅人，唔想因为满足性需要而周围去媾女。不过当然我都有喜欢嘅人，好似电影「月满轩尼诗」嘅主角咁，因为中意咗一个人而改变晒佢嘅生活，睇到我相当感同身受，并且成为我嘅宿命。电影入面好多场景都系喺呢间湾仔老字号茶餐厅入面拍摄，呢日我就特登以一个「老香港」嘅身份嚟呢度怀缅吓电影情节，哀悼吓我嘅爱情。以 $52 叫咗个「常餐」，主食系「香煎鸡扒公仔面」，鸡扒自动帮我另上，抵赞，连埋个面，成件事真系好茶餐厅。小食我加 $8 转配「吞拿鱼奄列」，几特别，餐饮「热奶茶」系优质茶餐厅嘅水准。另外我仲叫咗 $17 嘅「鲜油菠萝包」同 $11 一个嘅「极品蛋挞」，前者比较平庸，后者就正正常常冇乜特别。埋单 $99，都系食个情怀，就系食𠮶一种终将逝去嘅青春。。。（地址：湾仔轩尼诗道176-178号地舖及阁楼）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：西贡区分店：1am0243#1amfoodie #foodie #hkfoodie #thatfoodiething