皇后餃子

营业中

休息中

【湾仔区】【皇后饺子】大家最近应该留意到我呢度系有一啲嘅转变，唔止系文字上可能温和咗，呢个系我自己唔觉但系系其他人话我知。而且我系将个 post 嘅第一幅图加上咗餐厅名同埋地区，唔知大家中唔中意而家呢个安排，欢迎大家发表吓意见。点解无啦啦讲呢样嘢，其实首先就系我而家要写呢间嘢真系冇咩好写，本身我系想食其他嘢而走咗嚟湾仔呢头，点知去到先知佢冇开，咁我咪即刻揾吓有咩食啰。行行吓湾仔道就见到大大只字写住皇后饺子，就走入去食少少嘢试吓佢先啰。佢哋其实唔止饺子，仲有其他粉面类，牛腩呀，牛筋呀，牛肚呀𠮶啲配面食咁，不过我当刻又觉得我行得入呢间饺子店咯，我就梗系食饺子啦。咁佢啲饺子都有分汤饺同煎饺架㖞，我自己其实比较中意食汤饺嘅，个感觉好似较为原汁原味咁。佢有五款饺嘅，分别系「鲜肉韮菜饺」、「鲜肉粟米饺」、「鲜肉白菜饺」、「鲜肉椰菜饺」同埋「鲜肉芫茜饺」嘅，当中有芫茜嘅「鲜肉芫茜饺」系贵两蚊。不过我当刻想试都冇用，卖晒，然后好多都话卖晒，直到厨房入面话包紧先有。见你咁新鲜，我当然愿意等一等啦，都好快就有。首先系「鲜肉韮菜饺」，韮菜配饺子其实真系冇得输，点整都好食，包括呢间。而之后嘅「鲜肉粟米饺」当然