翠林餐廳

营业中

休息中

【湾仔区】【翠林餐厅】呢排都会去铜锣湾𠮶边做嘢，唔止去皇室堡冒记推银，仲要食嘢。不过大家都知呢啲旺区要揾啲自己一个人适合食嘅餐厅都有一定难度，我今次就行到去圣保禄医院𠮶边睇吓。有𠮶边返工嘅朋友话有间茶记唔错，茶记啱我㖞。去到系下午茶时段就梗系叫下午茶餐，只系 $34 就有份「猪扒薯条」配「热奶茶」，份量唔算劲大，不过系即整，热辣辣，薯条仲外脆内软，好食。杯奶茶唔错，达到茶餐厅嘅应有水准，成个餐咁样我觉得系好港式嘅一件事。跟住我见到餐牌有 $10 嘅小食「煎双蛋」，就叫嚟食吓啦。好好味，唔系因为佢用咗啲质素好高嘅蛋，而系佢嘅技术令到只蛋可以发挥到最高嘅效果。可以煎到流心而脆边，就算唔系用啲咩靓蛋，都系值得我高度赞扬嘅。呢餐系我嘅早餐嚟，所以想食多啲，叫多份 $22 嘅「双并三文治」，我拣咗「蛋牛治」，都系水准之作，唔差嘅。埋单 $66，食咗咁多款嘢，绝对抵食，而最难得嘅系佢喺食物上同氛围上都做到茶餐厅感觉，成件事好香港。。。（地址：铜锣湾信德街15号地舖）#1amfoodie #foodie #hkfoodie #thatfoodiething #hkfood #food #instaf