金福茶餐廳 (已結業)

【湾仔区】【金福餐厅】有时会因为工作需要，需要喺金钟𠮶边放饭，但系𠮶边食嘢都比较贵，所以愈行就愈近湾仔𠮶边。有次行到喜帖街近合和𠮶边，见到呢间明明系茶餐厅，但大大只字写住咩山东鸡。道歉哥最中意食山东鸡，入去食一次睇吓。点知入到去发现原来佢真系只系一间普通茶记，只系多咗粉面咁解。见到佢哋有鱼面套餐，个 menu 熟口熟面我怀疑系个鱼面 sales 帮手整埋嘅。用 $51 叫咗碗「炸鱼腐鸡翼鱼面」，个炸鱼腐同鸡翼都非常一般，冇感觉。最想讲嘅系个鱼面，大家都知我耐唔时都会食吓因为都有啲中意食，所以都会有啲要求。今次呢款只系鱼味乌冬咁，完全唔系平时鱼面𠮶个质感，合埋眼食都未必食得出系鱼面呀。加 $2 饮「冻柠茶走甜」，正常茶餐厅水准。都唔知仲有冇下次嘅机会，就叫埋 $48 嘅「招牌四宝净食」嚟睇睇啦，有自制牛丸、自制鱼蛋、特制墨丸、招牌虾卷，有虾卷系特别嘅，其他几款就 okay 啦，感觉好过头先𠮶碗。咁样加埋就剁咗我 $101，做真 foodie 系惨架啦。。。（地址：湾仔皇后大道东133号地下）#1amfoodie #foodie #hkfoodie #thatfoodiething #fo