影片
更多
2023-09-17
1137 浏览
【湾仔区】【金记冰室】同大家提过我有时要喺会展𠮶边帮手做嘢，冇时间食饭，好多时都系求其买便利店啲面包、蛋糕就算。不过有时都仲有半个钟至一个钟食饭，去之前讲过嘅 Triple O's 就多数都满座，行远少少去海港中心地下呢间茶记就好啲。今次同一个朋友去，佢话佢畀钱所以我就由佢拣，先拣到呢间。茶记好吖，选择多，乜都有得食，价钱上又丰俭由人。不过我𠮶日由于唔太够瞓，加上系人哋畀钱，所以我都唔打算叫到太多嘢咁，都系一人一个午餐咁就算。我叫咗个 $76 嘅「白汁粟米焗牛舌意粉」，虽然我当刻冇咩胃口，但系都居然觉得佢几好食。白汁芝士味浓，牛脷亦都又腍又香，唔错。用 QR Code 落单令我够胆叫「热奶水」做饮品，不过饮落偏淡，可能水吧都好少整呢款。朋友食 $68 嘅「葱油鸡扒肠仔饭」加底，劲呀，果然系后生仔，极速啪晒个饭。饮品方面佢加 $3 饮「冻柠茶少甜」，不过件事太急，其实都唔知佢系咪好肚饿先食咁快，我估应该质素都唔差嘅。埋单 $147，只能讲多谢晒。。。（地址：湾仔港湾道25号海港中心地下G4-G5号舖）
今次同一个朋友去，佢话佢畀钱所以我就由佢拣，先拣到呢间。茶记好吖，选择多，乜都有得食，价钱上又丰俭由人。不过我𠮶日由于唔太够瞓，加上系人哋畀钱，所以我都唔打算叫到太多嘢咁，都系一人一个午餐咁就算。
我叫咗个 $76 嘅「白汁粟米焗牛舌意粉」，虽然我当刻冇咩胃口，但系都居然觉得佢几好食。白汁芝士味浓，牛脷亦都又腍又香，唔错。用 QR Code 落单令我够胆叫「热奶水」做饮品，不过饮落偏淡，可能水吧都好少整呢款。
朋友食 $68 嘅「葱油鸡扒肠仔饭」加底，劲呀，果然系后生仔，极速啪晒个饭。饮品方面佢加 $3 饮「冻柠茶少甜」，不过件事太急，其实都唔知佢系咪好肚饿先食咁快，我估应该质素都唔差嘅。埋单 $147，只能讲多谢晒。。。
（地址：湾仔港湾道25号海港中心地下G4-G5号舖）
张贴
