The Chippy (耀華街) (已結業)

【湾仔区】【The Chippy】同道歉哥喺香港大球场睇完香港逼和土库曼嘅世界杯外围赛足球赛事之后，我哋就喺铜锣湾揾嘢食。而家嘅香港就真系夜缤纷，深夜仲有营业嘅餐厅好似得返啲茶记同潮式粉面档，想食啲比较西化少少嘅嘢，只能去啲酒吧。见到呢间喺耀华街嘅 bar 几特别，人哋多数系 steakhouse 或者 steak & bar 之类，但佢就叫自己 fish bar，仲挂起唔同英超球会会章嘅旗，充满英式风情。见佢咁特别就走咗入去坐，但叫咗 $68 嘅「水牛城鸡翼」，哈哈。件事有啲美色风情，但因为佢比较辣，我已经唔知自己喺度食乜。咁点都要有主食嘅，而嚟得呢间 fish bar，又点可能唔食吓佢哋嘅 fish and chips 呢？先叫咗个 $198 嘅「炸原条冰岛鳕鱼薯条」，都系炸冇味鱼，正正常常。跟住食 $208 嘅「炸原条冰岛比目鱼薯条」，呢个鱼味重啲，但又冇咁似 fish and chips，好矛盾。咁嚟得 bar，点都饮啲酒，道歉哥饮「Asahi 生啤」，我饮「Henry Weston's Cider」，都系 $68，加埋一 $671，系咁上下。。。（地址：铜锣湾耀华街18号地舖