影片
更多
2023-09-04
1274 浏览
【湾仔区】【Triple O's by White Spot】三年前喺荃湾𠮶间 Triple O's 食个餐，𠮶排适逢系 Halloween 写作大赛，我用我篇用餐体验去参加呢个比赛，不幸赢得冠军。奖品系两个自选汉堡，当时餐厅嘅小编仲走咗入嚟留言，𠮶排我做紧「十八区 Foodie」嘛。之后都喺疫情嘅时间帮衬过几次金钟同湾仔嘅分店，我觉得呢啲有杯好饮奶昔嘅美式快餐店真系要好好珍惜。金钟𠮶间我都记得我写过，不过已经唔记得几时写喇，如果唔系都会尝试拎返出嚟做个对比，唔系盲目咁乱写吖嘛。不过今次我都系食 $66 嘅「原味牛肉汉堡」，毕竟呢个有和牛汉堡扒、生菜、蕃茄、秘制 Triple O 酱汁同热烘面包嘅组合都系佢哋嘅经典菜式嚟。味道上同之前比较，个分别都唔算好大，而今次都有加 $30 升级套餐，食多啲嘢。薯条我加 $13 转「意大利芝士蒜蓉薯条」，个酱系几香几惹味，唔使净系薯条咁寡。嘢饮我加 $24 要「Ovaltine Shake」，即系阿华田奶昔，饮落又几有特色，阿华田独有嘅香味都几出。夹埋 $133，成日食都系咁上下价。。。（地址：湾仔港湾道25号海港中心1楼121号舖）
之后都喺疫情嘅时间帮衬过几次金钟同湾仔嘅分店，我觉得呢啲有杯好饮奶昔嘅美式快餐店真系要好好珍惜。金钟𠮶间我都记得我写过，不过已经唔记得几时写喇，如果唔系都会尝试拎返出嚟做个对比，唔系盲目咁乱写吖嘛。
不过今次我都系食 $66 嘅「原味牛肉汉堡」，毕竟呢个有和牛汉堡扒、生菜、蕃茄、秘制 Triple O 酱汁同热烘面包嘅组合都系佢哋嘅经典菜式嚟。味道上同之前比较，个分别都唔算好大，而今次都有加 $30 升级套餐，食多啲嘢。
薯条我加 $13 转「意大利芝士蒜蓉薯条」，个酱系几香几惹味，唔使净系薯条咁寡。嘢饮我加 $24 要「Ovaltine Shake」，即系阿华田奶昔，饮落又几有特色，阿华田独有嘅香味都几出。夹埋 $133，成日食都系咁上下价。。。
（地址：湾仔港湾道25号海港中心1楼121号舖）
张贴
